Unki wo baat..

Unki wo baat har baat se acchi lagi,
Rangeen shaam haseen raat se acchi lagi;
Shahnaaiyon ki goonj cheekhti rahi har taraf
Magar tanhaiyaan mujhe unki Baarat se acchi lagi!!
Khwabo me unka ana aur khwabo ko todna,
Khwabo ki ye duniya kisi mulakat se acchi lagi;
Jeete the har bazi hum zindgi ke khel me
Magar apni ye haar mujhe har maat se acchi lagi!!
Roye kabhi na the hum mohabbat k raasto par,
Aaj aansuon ki baarish barsaat se acchi lagi;
Bewafa tere tohfe kya khoob hai sangdil
Rushwaiyaan mujhe kisi saugaat se acchi lagi!!

Sitamgar

Koi naam sochiye uss sitamgar k liye,
Jisne tod liya rishta umar bhar k liye;
Unhe batla dena unki khabar k liye
Dil me basa rakha hai unhe Ta-umar k liye!!
Uske deedar ki tadap kuch aisi hai zaalim,
Har nazar tadpi uski ek nazar k liye;
Tanha gujre kaise ye zindagi ka safar ab
Uska saath chahiye mujhe har safar k liye..!!!

Tere Bina

Tanha zindagi acchi nahi lagti,
Tere bina koi khushi acchi nahi lagti;
Tu saath tha to mere chehre pe raunak thi
Ab ye banawati hansi acchi nahi lagti!!
Tujhe puja tujhe chaha teri ibadat ki maine,
Mujhe pattharo ki bandagi acchi nahi lagti;
Kahan chup gaya hai ruthkar mujhse tu dilbar
Teri iss kadar ki narazgi acchi nahi lagti!!
Jab se lagaya dil ko dil na raha hamara,
Ab dil lagana aur dillagi acchi nahi lagti;
Ek baar tu aaja meri khushi k waste hi
Mujhe surkh aankhe aur bebasi acchi nahi lagti!!
Andhero me rahne ki ab aadat ho gayi hai,
Mujhe ghar me ab roshni acchi nahi lagti;
Meri majbooriyan mujhe satati hai aise
Ki khawabo se ab dosti acchi nahi lagti....!!!

Apne haalato se bekhabar tha main,

Unki duao ka asar tha main;

Wo talaashte rahe humko shahar bhar me

Unke kadmo k nishano par tha main!!