Kyu lagta hai mujhe...

Kyu Lagta hai mujhe...
Ki har pal kuch kho rha hau main...
Yun hi jhuthe khwabo ko sanjo rha hu main...
sapno ko takiye k niche daba kar...
be-fikra aankhe band kiye so rha hu main..
Kyu khud ko baandh kar ek dayre me..
Bewajah k bojh ko dho rha hu main..
Pasand to mujhe kab se tanhaiyaan thi....
Mehfilo to bas aankhe bhigo rha hu main..
Armano ko bikher k motiyon ki tarah..
Ummeed k dhago me piro rha hu main...
Uske raste se hata kar kaanto ko....
Khud ko nastar chubho rha hu main...

Kyu un bite haseen lamho ko....

Aaj k samundar me dubo rha hu main..
Sapno ko takiye k niche daba kar..
Be-fikra aankhe band kiye so rha hu main..

:- Kuldeep singh "NaWaB"

"Maza Aya"

Dard ka khwahishmand tha main...
Jo nastar ko chubhone me maza aya...
Ye aansu tere diye nayaab tohfe hai..
Samjha aankho ne to rone me maza aya..!
Yun to bik gayi bemol meri saari duniya..
...

Ek tu rha baaki, Aaj jise khone me maza aya..
Tanhaiyaan mujhe bhi bulaati rahi magar..
Muddato baad uska hone me maza aya..!
Armaan jo bikhre the motiyon ki tarah.
Ek-ek kar inko pirone me maza aya..
Neend se ranzish thi meri par..
Aaz veeraniyon me sone me maza aya..!
Sooni thi ye meri palke kab se..
Ulfat k paani se bhigone me maza aya..
Tere diye har dard ko mere humdum..
Iss dil me sanjone me maza aya..!!

"Aadat na gayi"

Tere kareeb aane ki aadat na gayi...
Yun aankho ko rulane ki aadat na gayi...
Teri tasweer se kar k hazar baate...
Bus ruthne manane ki aadat na gayi....
Ummeed ki Dehleez pe Aey mere HUMDUM..!

Chiraag yaado k jalane ki aadat na gayi..
Kuch maza teri maujoodgi k asar ka hai..
Ki meri ghar ko sazane ki aadat na gayi...
Na jane kab tu kareeb aa jaye mere..
Yun har shaam tohfe lane ki aadat na gayi..
Zinda hai aaj bhi wo mera pagalpan..
Kuch khash tere liye banane ki aadat na gayi..
Woh aankho se ishare kar k mera..
Teri Tasweer ko bulane ki aadat na gayi..
Seene se laga kr teri uss nishani ko...
Mujhe khud ko sulane ki aadat na gayi..
Har raat tujhe bhulane ki koshish me..
Tere yaado me doob jane ki aadat na gayi..

Gustaakh Nigaahe....

Dabe honto pe wo halki si muskurahat...
Wo tere dhime pairo ki aahat...
Wo chalte chalte mera haath thaam lena...
Baato baato me bus mera naam lena...
Meri narazgi pe tera rone ka bahana....
Dooriyo k naam pe hi aansuo ka aana...

Tu hi bata tujhe kaise na chahe.....
Meri ye Gustaakh Nigaahe...!!

"Main Kya Karu"

Yun intazaar ki had me...

Chandni raat dhal gayi..

To main Kya karu...

Tere aagosh me aate hi..

Meri tabiyat machal gayi

To main kya karu...!!

Aiesi nigaah se tune dekha kareeb aakar...

Gustaakh nazaro ki niyat badal gyi..

To main kya karu...

Main tere kadmo k nisaan ko chumta gaya..

Ye duniya khamkhwah jal gayi..
To main kya kru..!!

Kuch to baaki hai..

Kisi ki yaad dil me hai,
koi Ehsaas baki hai…
Guzarte waqt ke darmiyan,
koi raaz baki hai…
abhi safar me hu, milegi manzil mujhe,
Magar in raahon me,
uska saath baki hai…
kahi shaam dhali,
kahi raat huyi,
abhi to chand aaya hai,

...

chandani raat baki hai…
lot aao …
mera haal bhi dekhon,
jism murda hai,
aakhri saans baki hai…
umeed hai,
phir milenge kabhi,
Mere khuda ki rehmat aur.,
pyar ki sougaat baki hai…
kuch baki hai……

Mom Ki Gudiya

Ek pal hansti hai Pal bhar me aansu bahati hai.

Meri Muskurahat k sath wo muskurati hai.

Masoom aankho me ek sawal rehta hai..

Palko par wo khwab sajati hai..

milti hai sharmati hai..

Meri Nazdikiyo se ghabra jati hai..

Haya k parde se khud ko chipati hai..

Sach me wo meri khushiyo ki pudiya hai..

Haan wo meri " Mom Ki Gudiya " hai...!

Meri har pal me jiski kami rehti hai..

jiski yaado me ankhe har pal behti hai..

Meri khamoshiyaan bhi jiski baate kehti hai..

Meri khushiyo k liye jo har gum sehti hai..

Sach me wo meri khushiyo ki pudiya hai..

Haan wo meri " Mom Ki Gudiya " hai..!

Wo khilti kaliyo se uska athkheliyaan karna.

titli k pankho me rango ka bharna..

Masumiyat se uska muh bichkana..

Betuki baato pe yun gussa karna..

Apni masoom adao se jo mera dil lubhati hai..

mere gusse se jo sahem jaati hai..

sach me wo meri khushiyo ki pudiya hai..

Haan wo meri " Mom Ki Gudiya " Hai..!

Wo Baccho jaisi nadaniyaan uski..

Har baat pe pyaari manmaaniyan  uski..

Wo ek pal k liye ruthna uska..

Wo gusse se lipti khamoshiyaan uski..

Mere dil ko aise hi choo jati hai..

Khud ruthti hai aur khud hi manati hai..

Uski ye adaa bh mujhe hansaa jati hai..

Sach me mere khushiyo ki pudiya hai..

haan wo meri " Mom Ki Gudiya " hai..!

Aey mere Khuda! Itni si dua yaad rakhna...

Meri khushiyon ka Jahaan hamesha Abaad rakhna...

Jo meri khushiyo ki dua karti hai..

Badmashiyaan pyaari, betuki khata karti hai..

Bahut yaad aati hai..

Ankhe nam kar jaati hai....

Sach me wo meri khushiyo ki pudiya hai

Haan wo meri " Mom Ki Gudiya " Hai...